అపురూప దృశ్యకావ్యం ‘శ్రీరామరాజ్యం’:చిత్ర సమీక్ష

నందమూరి తారక రామారావు నటించిన ‘లవకుశ’ తెలుగు సినీ ప్రేక్షకులపై చెరగని ముద్రవేసింది. శ్రీరాముడంటే ఎన్టీఆర్, సీతమ్మ అంటే అంజలీదేవి అనే నమ్మకం వారిది. ఇక లవకుశులు ఆ తరం వారందరి మదినీ దోచిన కవలలు. ఆ సుందర సుమధుర దృశ్య కావ్యాన్ని సృష్టించడం అంటే ఎంత సాహసం కావాలి? శ్రీరాముని పాత్రను, సీత అభినయాన్ని, లవకుశుల గానామృతాన్ని వెండితెరపై ఆవిష్కరించడానికి ఎంత ధైర్యం ఉండాలి? అయితే అవన్నీ నిండుగా ఉన్న ముగ్గురు వ్యక్తుల కలయికకు ప్రతిరూపంగా ‘శ్రీరామరాజ్యం’ నిలిచింది. ‘లవకుశ’ చిత్రాన్ని ఈ తరానికీ అందించాలనే సత్ సంకల్పం నిర్మాత యలమంచిలి సాయిబాబుది అయితే, ఎనభై ఏళ్ళ వయసులో సైతం....