సినీవినోదం: April 2013

Sunday, April 28, 2013

అందుకే ‘డర్టీ పిక్చర్’ తెరకెక్కించాను!

'లవ్ సెక్స్ ఔర్ ధోకా', 'క్యా సూర్ కూల్ హై హమ్', 'రాగిణి ఎంఎంఎస్' తదితర సినిమాలను తెరకెక్కించి వివాదాస్పద చిత్రాల నిర్మాతగా పేరు సంపాదించుకున్న ఏక్తాకపూర్ దేశంలో మహిళలపట్ల జరుగుతున్న దారుణాలపై స్పందించారు. భారతదేశంలో మహిళలపట్ల మగాళ్ల మైండ్‌సెట్ మారాలని ఏక్తా అభిప్రాయపడ్డారు. మగాళ్ల మనస్తత్వమే ఇండియాలో సమస్యగా మారుతోందన్నారు. మగాళ్లు ఏ మాత్రం సామాజిక బాధ్యతతో వ్యవహరించడం లేదని....

భారతీయ సినిమా వందేళ్ల వేడుక ప్రారంభం

భారతీయ చలన చిత్ర పరిశ్రమ వందేళ్ల పండుగను జరుపుకోవడానికి సిద్ధమైంది.నిర్మాణంలో ఎవరికీ తీసిపోని సామర్ధ్యం వల్ల భారతీయ చిత్రాలంటే ప్రపంచ సినిమా రంగానికి గొప్ప ఆదరణ పెరుగుతోంది. ఇటీవల కాలంలో భారతీయ నేపథ్యానికి హాలీవుడ్ కూడా ఆకర్షణకు లోనవుతోంది. అందుకు తాజా ఉదహరణ 'లైఫ్ ఆఫ్ పై' చిత్రంగా చెప్పుకోవచ్చు. గత వందేళ్లలో చిత్ర పరిశ్రమలో పలువురు అద్బుతమైన ప్రతిభాపాటవాలతో భారతీయ సినిమాకు అంతర్జాతీయ గుర్తింపును తీసుకువచ్చారు. అందులో సత్యజిత్ రే, రాజ్ కపూర్, బిమల్ రాయ్, గురుదత్, శ్యామ్ బెనెగల్, బల్ రాజ్ సహానీ, ఆదూర్ గోపాలకృష్ణన్, శేఖర్ కపూర్ లను ప్రముఖంగా చెప్పుకోవచ్చు . ఈ సందర్భంగా వందేళ్ల సినిమా గొప్పతనాన్ని ప్రపంచానికి....

Friday, April 26, 2013

'షాడో' చిత్ర సమీక్ష

'షాడో' చిత్ర సమీక్ష 2/5

యు స్క్వేర్ మూవీస్ పతాకం ఫై మెహర్ రమేష్ దర్శకత్వంలో పరుచూరి శివరామప్రసాద్ ఈ చిత్రాన్ని నిర్మించారు .

మన దేశం లో బాంబ్ పేలుళ్లకు కుట్ర చేస్తున్న అంతర్జాతీయ మాఫియా డాన్ నానా భాయ్ రహస్యాలను తెలుసుకున్న రహస్య జర్నలిస్ట్ రఘురాం వాటిని ప్రచురించాలనే ప్రయత్నం లో ప్రాణాలు కోల్పోతాడు . ఆ కిరాతకాన్ని కళ్ళారా చూసిన రఘురాం కొడుకు రాజారాం పగబట్టి 'షాడో' పేరుతో వారిని వరుసగా చంపుతుంటాడు . అదే సమయంలో నానా భాయ్ ని పట్టుకోవడానికి స్పెషల్ పొలీస్ అధికారి ప్రతాప్ మలేషియా వస్తాడు . తనకన్నా ముందే నానా భాయ్ గ్యాంగ్ ని హతమారుస్తున్న షాడో ను పట్టుకోవాలని ప్రయత్నిస్తాడు . ఒక సారి నానా భాయ్ మనుషులతో జరిగిన ఘర్షణలో మతి స్థిమితాన్ని కోల్పోయిన షాడో, తిరిగి కోలుకునే క్రమం లో చిన్న నాడు తప్పిపోయిన తల్లి,చెల్లి బతికే వున్నారని ... ప్రతాప్ తన చెల్లి భర్త అని తెలుసుకుంటాడు . కుటుంబాన్ని రక్షించుకుంటూనే నానా భాయ్ ని చంపి పగ తీర్చుకోవడం ఈ చిత్ర కధాంశం .

ఈ సినిమాతో మరోసారి ఒక సన్నాసి దర్శకుడి వల్ల ఓ మంచి నిర్మాత దెబ్బ తినిపోయాడు . ఫోజులెక్కువ ...విషయం తక్కువ తో బతికేసే గారడీ గాళ్ళ మాయలో ఈ నిర్మాతలు ఎలా పడతారో అర్ధం కాదు . తెలుగులో దశాబ్దాల నుండీ చూస్తున్న పగ-ప్రతీకారం కధ , రొటీన్ ఫ్యామిలీ సెంటిమెంట్ , అరిగి పోయిన యాక్షన్ సన్నివేశాలతో నిర్మించిన ఈ చెత్త చిత్రానికి నిర్మాత ఎంతో భారీ గా ఖర్చు చేసారు . థియేటర్ లోకి వెళ్ళిన జనమంతా సినిమా చూసి వడ దెబ్బ తగిలినట్లు గిల గిల్లాడుతున్నారు . ఎక్కడా మనకు కొత్తదనం మచ్చుకైనా కనిపించదు . అసలీ దర్శకుడికి కనీస సినిమా పరిజ్ఞానమైనా ఉందా ? -అనిపిస్తుంది . బాధ్యత లేకుండా, నిర్మాత డబ్బును దుర్వినియోగం చేస్తూ- పిల్లలాటలా ఈ సినిమాని చేసాడు . గబ్బర్ సింగ్ లో హై లైట్ అయిన 'అంత్యాక్షరి' ని ఇందులోనూ పెట్టి... అనుకరించడం కూడా రాదని చూపించు కున్నాడు.

రాజారాం గా ,షాడో గా వెంకటేష్ బాగా చేసాడు . అయితే విషయం లేని సినిమాలో కష్టానికి ఫలితముండదు . సినిమా ప్రారంభం లో వెంకటేష్ షాడో గెటప్ కొంత ఎబ్బెట్టుగా వుంది .తాప్సీ అందం గా నటించింది . పొలీస్ అధికారి ప్రతాప్ గా శ్రీకాంత్ చురుగ్గానే చేసాడు . సైకో శీను గా ఎమ్మెస్ నారాయణ చాలా పెద్ద పాత్ర పోషించినా అతని కామెడీ అంతంతమాత్రం గానే వుంది . కృష్ణ భగవాన్ కొంత పర్వాలేదు . హిందీ నటుడు ఆదిత్య పంచోలి ఇందులో మాఫియా డాన్ నానా భాయ్ గా నటించాడు .

నాగేంద్ర బాబు,గీత,మధురిమ,నాగి నీడు,జయప్రకాశ్ రెడ్డి,సయ్యాజి షిండే, రాహుల్ దేవ్, నాజర్ , సూర్య, ఉత్తేజ్,సత్యం రాజేష్,రమ్య, సుబ్బరాజు, శ్రీనివాస్ రెడ్డి ,ధర్మవరపు, సుమన్, వెన్నెల కిషోర్ ఇతర పాత్రలు పోషించారు .

కోన వెంకట్ – మెహర్ రమేష్ కలిసి రాసిన డైలాగ్స్ మరీ చప్పగా వున్నాయి . తమన్ పాటల్లో 'షాడో టైటిల్ సాంగ్' బాగుంది .పాటల చిత్రీకరణ బాగుంది . రీ రికార్డింగ్ కూడా సినిమాకి న్యాయం చెయ్యలేదు . మూరెళ్ళ శ్రీను-శ్యాం కె నాయుడు ల ఫోటోగ్రఫీ, వెంకటేష్ ఎడిటింగ్, స్టన్ శివ ఫైట్స్ అంతంత మాత్రంగానే వున్నాయి -రాజేష్

Wednesday, April 24, 2013

Sunday, April 14, 2013

సిద్ధార్థ్ ఇక దర్శకత్వం వేపు...

మెగా ఫోన్ పట్టాలనే కోరిక ఉందంటున్నారు యువ నటుడు సిద్ధార్థ్. నటుడిగా తెరంగేట్రం చేసి దశాబ్దం దాటినా ఇంకా యంగ్ బాయ్ ఇమేజ్‌ను కాపాడుకుంటున్న సిద్ధార్థ్ తొలుత తమిళంలో హీరోగా పరిచయమైనా, ఆ తరువాత తెలుగు, హిందీ తదితర భాషల్లోనూ నటిస్తూ బహుభాషా నటుడిగా పేరు పొందారు. ఇటీవల విడుదలైన హిందీ చిత్రం' చష్మే బద్దూర్' విజయానందాన్ని అనుభవిస్తున్న ఆయన.....

ఆ సంబంధాలు పెట్టుకోను!-సనాఖాన్

అవకాశాల కోసం సెక్స్ సంబంధాలు పెట్టుకోనని నటి సనాఖాన్ పేర్కొంది. ఈమె శింబుకు జంటగా శిలంబాట్టం చిత్రం ద్వారా కోలీవుడ్‌కు పరిచయమైంది. ఆ తరువాత తంబిక్కు ఇంద ఊరు, అయిరం విళక్కు తదితర చిత్రాల్లో నటించినా హీరోయిన్‌గా ఆశించిన స్థాయికి చేరుకోలేదు. తాజాగా మాలీవుడ్‌లోకి ప్రవేశించింది. అక్కడ సిల్క్‌స్మిత జీవిత ఇతివృత్తంతో తెరకెక్కుతున్న.....

Friday, April 5, 2013

'బాద్ షా' చిత్ర సమీక్ష

'బాద్ షా' చిత్ర సమీక్ష 2.5 / 5

పరమేశ్వర పతాకం ఫై శ్రీను వైట్ల దర్శ కత్వం లో బండ్ల గణేష్ ఈ చిత్రాన్ని నిర్మించాడు .

శ్రీను వైట్ల సమర్ధుడైన దర్శకుడు . సినిమా విజయానికి హీరో ని నమ్ముకోవడం కన్నా కామెడీని నమ్ముకోవడం ఉత్తమం అనే సూత్రాన్ని ఇటీవల తన భారీ చిత్రాల్లో ప్రయోగించి, మంచి విజయాలు సాధించారు . శ్రీను ఆ మధ్య పూరీ 'పోకిరి' ని అనుసరిస్తూ 'దూకుడు' చేసాడు . ఇప్పుడు దాదాపుగా అదే చిత్రాన్ని తిరిగి యన్టీ ఆర్ తో 'బాద్ షా' గా చేసాడు . అందుచేత ఈ చిత్రం కధ గురించి ప్రత్యేకం గా చెప్పడానికి ఏమీ లేదు . ఈ చిత్రంలో భారీ నిర్మాణ విలువలున్నాయి .కోన వెంకట్ సంభాషణలు , గుహన్ ఫోటోగ్రఫీ,వర్మ ఎడిటింగ్ ,విజయ్ యాక్షన్ ,ప్రకాష్ ఆర్ట్ ,తమన్ సంగీతం బాగున్నాయి . అయితే సినిమాలొ కొత్తదనం మాత్రం కొరవడింది .మాఫియా ను మట్టు పెట్టడానికి మారు వేషం లో పోలీసులు ప్రయత్నించే ఈ కధ లో,కధనం లో స్పష్టత లేదు . చాలా చోట్ల గందర గోళానికి గురవుతాము . సినిమా ప్రారంభం నుండి హీరోయిన్ కాజల్ మాటల రొద.. .ఇంటర్వెల్ దగ్గరకొచ్చే కొద్దీ ఎడతెగని

యాక్షన్ హంగామా . రెండవ భాగం నుండీ తెలంగాణా యాస తో ఈవెంట్ మేనేజర్ గా బాద్ షా మరో రూపం లో హంగామా . నిజానికి ఇటువంటి సన్నివేశాల్లోనే దర్శకుడు శ్రీ ను వైట్ల- కధ లో విషయం లేకపోయినా,మంచి హాస్యాన్ని రాబట్టి... ప్రేక్షకులను మాయ చేస్తుంటాడు . అయితే ఇందులో అతను చేసిన ప్రయత్నం విఫలమయ్యింది . అక్కడక్కడ తప్ప కామిడీ రొటీన్ గా సాగింది . కలల్లో విహరిస్తాడంటూ బ్రహ్మానందంఫై భారీ ఆశలతో దర్శకుడు పెట్టిన కామెడి ట్రాక్ తుస్స్ మంది . మహేష్ బాబు కామెంటరీ ,అతిధి పాత్రలో సిద్ధార్ధ ,విలన్ పొలీస్ గా నవదీప్ ... ఇలా ఎన్ని అదనపు ఆకర్షణ లున్నా ఉపయోగ పడలేదు .దర్శకుడిగా శ్రీను వైట్ల సమర్ధత ఫైనే సందేహాన్ని కలిగించే చిత్రం ఇది .

కాజల్ , వెన్నెల కిషోర్ లతో హీరో చేసిన కొన్ని సీన్స్...మందు కొట్టిన ఆడాళ్ళతో యన్టీ ఆర్ పాటల సన్నివేశం ... ఇటలీ అందాలు బాగున్నాయి .బాద్షా గా యన్టీ ఆర్ బాగా నటించాడు . డాన్సులు ఫైట్లు బాగా చేసాడు . సీనియర్ యన్టీ ఆర్ ను కొన్ని చోట్ల బాగా అనుకరించాడు . రాబోయే రోజుల్లో రాజకీయ అవసరాలకోసం సీనియర్ యన్టీ ఆర్ వారసత్వాన్ని జూనియర్ వాడుకునే ప్రయత్నం చేసాడు . అయితే అతని గెటప్ కారణం గా గ్లామర్ గా కన్నా, ఇబ్బంది కరంగానే చాలా చోట్ల కనిపించాడు . జానకి గా కాజల్ అందం గా , బాగా చేసింది . రివెంజ్ నాగేశ్వర్ రావు పేరుతో రామ్ గోపాల్ వర్మ ను తలపించేలా ఎమ్మెస్ నారాయణ ఫై చేసిన కామెడి బాగుంది .పిల్లి పద్మనాభ సిన్హా గా బ్రహ్మానందం కామెడి అర్ధం పర్ధం లేకుండా చిరాకెత్తించింది . క్రమ శిక్షణకు మారు పేరైన పిల్లి వంశ పోలీస్ అధికారిగా నాజర్ నటన మరీ అతిగా వుంది . ఇతర పాత్రల్లో ప్రదీప్ రావత్ ,ఆశిష్ విద్యార్ధి , సయ్యాజీ షిండే , తని కెళ్ల భరణి , షఫీ , సుహాసిని , మోహన్ రుషి , సుప్రీత్ , సత్యం రాజేష్ ,నాగబాబు , చంద్ర మోహన్ , సుధా , ప్రగతి , సురేఖా వాణి, జయప్రకాశ్ రెడ్డి , అజయ్ , తగు బోతూ రమేష్, రవిప్రకాష్ , బ్రహ్మాజీ , గిరిధర్ , రజిత , భరత్ , రాజీవ్ కనకాల నటించారు . తమన్ పాటలు... చిత్రీకరణ బాగున్నాయి . 'కొట్టినా తిట్టినా' పాట 'బిజినెస్ మాన్ ' లోని 'సారొస్తారు' పాట అనుకరణ లా వుంది .రీ రికార్డింగ్ బాగుంది . ఇందులో నికోల్ ఫై ఐటెం సాంగ్ మరో బోనస్

-రాజేష్