షబానా మేనకోడలు సయామీ ఖేర్‌

‘దేవదాసు’తో రామ్, ఇలియానాను పరిచయం చేసిన వైవీయస్ చౌదరి ‘రేయ్’తో సాయిధరమ్‌తేజ్, సయామీ ఖేర్‌ను పరిచయం చేస్తున్నారు. సాయిధరమ్‌తేజ్ మెగాస్టార్ చిరంజీవి మేనల్లుడు కాగా, సయామీ ఖేర్ ప్రముఖ నటి షబానా ఆజ్మీ మేనకోడలు కావడం విశేషం. ఇందులో శ్రద్ధాదాస్ మరో నాయికగా చేస్తున్నారు. యలమంచిలి గీత సమర్పణలో బొమ్మరిల్లు వారి పతాకంపై రూపొందుతోన్న ఈ చిత్రం ప్రస్తుతం ఆర్‌ఎఫ్‌సీలో చిత్రీకరణ జరుపుకుంటోంది. ఈ సందర్భంగా వైవీయస్ చౌదరి మాట్లాడుతూ -‘‘ఇలియానా తరహాలోనే సయామీ ఖేర్ కూడా స్టార్ హీరోయిన్ అవుతారు. తను గ్లామర్, పెర్‌ఫార్మెన్స్‌ల కలబోత. ఇద్దరు వ్యక్తుల మధ్య ఉండే కెమిస్ట్రీకి కొత్త అర్థం చెప్పేలా సయామి కేరెక్టర్ సాగుతుంది. లవ్ అంటే ఆబ్‌సెన్స్‌లో కూడా ప్రెజెన్స్‌ను చూడగలగాలని నమ్మే పాత్ర తనది. కచ్చితంగా ఈ సినిమా తర్వాత తెలుగు తెరకు ఓ సూపర్ హీరోయిన్ దొరికిందనడం ఖాయం’’ అని చెప్పారు