మోహిత్‌ రైనాతో ప్రియాంక పెళ్లి?

మెగా పవర్‌ స్టార్‌ రామ్‌ చరణ్‌తో కలిసి బాలీవుడ్‌ మూవీ ‘జంజీర్‌’లో నటిస్తున్న ప్రియాంక చోప్రా త్వరలో పెళ్లికి రెడీ అవుతోంది. బాలీవుడ్‌ నుంచి అందుతున్న వివరాల ప్రకారం ఆమె హిందీ టెలివిజన్‌ నటుడు మోహిత్‌ రైనాను పెళ్లాడబోతున్నట్లు తెలుస్తోంది. హిందీ టీవీ సీరియల్‌ ‘మహదేవ్‌’లో శివుని పాత్ర చేసిన మోహిత్‌ రైనా బాగా పాపులర్‌ అయ్యా డు. మీకు బాయ్‌ ఫ్రెండ్స్‌ ఉన్నారా? అని మీడియా ప్రియాంక చోప్రాను ప్రశ్నించిన ప్రతిసారీ -'నేను సింగిల్‌గానే ఉన్నాను, నాకు తగిన జోడీ కోసం ఎదురు చూస్తున్నాను' అంటూ సమాధానం ఇస్తూ వస్తోంది. ''తోడు కోసం ఎదురు చూస్తున్నాను'- అంటూ ఇటీవల ఆమె చేసిన వ్యాఖ్యలను ప్రియాంక కుటుంబ సభ్యులు సీరియస్‌గా తీసుకున్నారు. హిందీ ఛానల్‌ 'జూమ్‌' కథనం ప్రకారం ఆమె కుటుంబ సభ్యులు టీవీ నటుడు మోహిత్‌ రైనాతో ఆమెకు పెళ్లి సంబంధం కుదిర్చేందుకు ప్రయత్నాలు చేస్తున్నట్లు తెలుస్తోంది