డా"అక్కినేని నాటక కళాపరిషత్ 18 వ రాష్ట్ర స్థాయి నాటిక పోటీలు

'యువకళావాహిని'  నిర్వహణ లో సారిపల్లి కొండల రావు సారధ్యం లో డా"అక్కినేని నాటక కళాపరిషత్ 18 వ రాష్ట్ర స్థాయి నాటిక పోటీలు రవీంద్రభారతి లో విజయ వంతంగా జరిగాయి.ముగింపు సమావేశాల్లో పాల్గొని విజేతలను అభినందించిన అక్కినేని -కళాకారులకు తల్లివడి నాటక రంగం.నాటకాలవల్ల చాలామంది వృద్ది లోకి వచ్చారు.మహా నటులకు మూలాలు నాటక రంగం లోనే వున్నాయని అన్నారు.ఉత్తమ నటుడిగా గోపరాజు రమణ,ఉత్తమ నటిగా సురభి ప్రభావతి,ఉత్తమ విలన్ గా గణేష్,హాస్య నటునిగా జయప్రకాష్ రెడ్డి,ఉత్తమ రచన( శ్రీకారం) భవానీ ప్రసాద్ ఎంపికయ్యారు.పీ.లక్ష్మణ్ రావు,యన్.రవికుమార్ లకు 'నాటక రత్న' అవార్డులు బహూకరించారు.ఈ కార్యక్రమం లో డా"సి.నారాయణ రెడ్డి, మంత్రి కాసు కృష్ణా రెడ్డి, దీక్షిత్, జి.వి.నారాయణ రావు, జి.రవీంద్ర నాద్, గుండు హనుమంత రావు, వై.కే.నాగేశ్వర్ రావు పాల్గొన్నారు.